அன்னிக்கு கெமிஸ்டரி மன்த்லி எக்ஸாம்..

எனக்கு கெமிஸ்டரி சம்பந்தமா ஒண்ணும் ஞாபகத்துல இல்ல... ( படிச்சா தானே..?!! )

இப்டியே போனா... வெத்து பேப்பரை தான் குடுக்க வேண்டி இருக்கும்... என்ன பண்ணலாம்...?!

டைம் பாத்தேன்... எக்ஸாம் ஆரம்பிக்க இன்னும் 45 நிமிஷம் இருந்தது..

சரி இந்த கேப்ல 3 கேள்விக்கு பதிலை மனப்பாடம் பண்றோம்.. எந்த கேள்வி வந்தாலும் இதயே ஆன்ஸர் சீட்ல எழுதறோம்னு முடிவு பண்ணினேன்..

ஒரு அரைமணி நேரம் படிச்சிட்டு இருந்து இருப்பேன்... அப்ப அங்க வந்த என் ப்ரெண்ட் மணி என்னைய பாத்து ஷாக் ஆகிட்டான்...

பின்ன.. இந்த மாதிரி அரிய காட்சிய அவன் பாத்ததேயில்லைல...

" என்னடா பண்றே..? "

" இன்னிக்கு எக்ஸாம்க்கு படிக்கறேன்... பாத்தா தெரியல..?! "

" அது சரி.. நாம 9th தானே படிக்கறோம்.. நீ ஏன் 10th புக் படிக்கறே..? "

( என்னாது.. இது 10th புக்கா...? ஐய்யோ.. எங்க அண்ணன் புக்கு... )

சே.. கர்மம்... மொதல்ல நம்ம புக்கு என்ன கலர்ல இருக்குனு பாத்து வெச்சிக்கணும்..!!