போன வாரம்....

பாத்ரூம்ல இருந்து என் சின்னப்பையன் கோகுல் கதவை தட்டினான்..

"என்ன கோகுல்..?"

கதவை லைட்டா திறந்து,
"அப்பா இது உங்க பனியன்.. மாத்தி எடுத்துட்டு வந்துட்டேன்.."

"பாத்து எடுத்துட்டு வரமாட்டியா..?"

"அவசரத்துல.."

"எல்லாம் அவசரம்.. அதான் 85cm பெருசா எழுதி இருக்குல்ல.. எப்பவும் அலேர்ட்டா இருக்கணும் கோகுல்.."

2 நிமிஷம் அட்வைஸ் பண்ணிட்டு கீழே போயி அவன் பனியன் எடுத்துட்டு வந்து குடுத்தேன்....

அடுத்து நான் குளிக்க போனேனா.. குளிச்சிட்டு பாத்தா.... நான் எடுத்துட்டு வந்திருந்தது கோகுல் பனியன்..

ஆஹா... டைனோசர்க்கே லெக் ஸ்லிப் ஆகிடுச்சே...!!

கதவைத் தட்டி..

"நிர்மலா.. பனியன் மாறிடுச்சு... போயி என் பனியன் எடுத்துட்டு வா.. "

"வெயிட் பண்ணுங்க.."

2 நிமிஷத்துல.. கதவு தட்ற சத்தம்...

லைட்டா திறந்தா...

கையில பனியனோட நின்னுட்டு இருந்தது கோகுல்..!!

"நீ இன்னும் ஸ்கூல் போகல?"

"இன்னைக்கு சண்டே"

அதுக்கு ஏன் இப்படி பல்லக் கடிக்கறான்?