ரொம்ப நாள் முன்னால என்னை திட்டி ஒருத்தர் கமெண்ட் போட்டிருந்தாப்ல.....

நானும் வழக்கம் போல பொங்கி வந்த கோவத்தை கன்ட்ரோல் பண்ணிட்டு அமைதியா இருந்தேனா...

அத பாத்துட்டு என் ப்ரெண்ட் ரவி போன் பண்ணினான்....

" ஏன் மச்சி... அவன் கேவலமா திட்றான்... உனக்கு ரோஷமே வரலியா...? "

" யாரப் பாத்து, யாரப் பாத்து... இப்டி கேட்டே..? நானெல்லாம் மானத்துல அப்டியே கஸ்தூரிமான் மாதிரி.. "

" அடேய் வெண்ணை.. அது கவரிமான்ரா.. "

" ஹி., ஹி., ஹி.. தெரியும் மச்சி... அப்புறம் கவரிமான் பேரை நான் கெடுத்துட்டேனு எவனாச்சும் கேஸ் போட்டுட்டான்னா.. அதான் சேப்பா... "

# ஆமா இவன் எதுக்கு இப்ப துப்பிட்டு போறான்..?!! கன்பியூசிங்...!!

காலைல ஆஸ்திரேலியால இருந்து என் ப்ரெண்ட் தீபக் கால் பண்ணியிருந்தான்...

" வெங்கி.. வாட்ஸ்அப்ல வீடியோ கால் வா... "

" இப்ப வேணாம் மச்சி.. நான் கேவலமா இருக்கேன்.. "

" நீ அழகா இருக்கும்போது தான் பேசணும்னா... நான் உன்கிட்ட எப்பவுமே பேச முடியாதே மச்சி.. ஹி., ஹி... "

#ஙே..!!

மங்கு கால் பண்ணியிருந்தான்...

" மச்சி... என் ஆளு இன்னிக்கு வீடியோ கால் பேசலாம்னு சொல்லியிருக்கா... "

( இது எத்தனாவது ஆள்னு தெரியலியே...?! )

" சரி போயி பேசு... "

" அதுக்கு முன்னாடி உன்கிட்ட ஐடியா கேக்கலாம்னு வந்தேன்... "

" ஐடியாவா..?! "

" யெஸ்.. வீடியோல பாத்துமே என் அழகுல அவ மயங்கணும்.. அதுக்கு எதாவது அழகு குறிப்பு இருக்கா..? "

" சே., சே உன் ரேன்ஞ் தெரியாம நீ பேசற மச்சி.. எந்த அழகு குறிப்பும் உனக்கு தேவையேயில்ல...."

" அப்டீன்ற...? "

" ம்ம்ம்... நீ நேரா போயி உன் மூஞ்சிய வீடியோல காட்டு்.... அப்புறம் அந்த புள்ள எப்டி அலறிட்டு மயக்கம் போடுதுனு மட்டும் பாரேன்.. "

#கிர்ர்ர்ர்...!!

" மச்சி நீ Wife-க்கு பயப்படுவேனு சொன்னாங்க..?! "

( இத எல்லாம் எவன் சொல்றான்...?! சரி சரி சமாளிப்போம்... )

" சே... சே.... "

" ஹி., ஹி., ஹி.. நம்பிட்டேன்... "

" மச்சி... இப்ப ஒரு உதாரணம் சொல்றேன் கேளேன்... "

" சொல்லு.... "

" அம்மாம் பெரிய யானை தம்மாதூண்டு பாகன் சொல்றபடி கேக்குதுன்னா.. அதுக்கு பயம் காரணமில்ல, அன்புக்கு கட்டுப்படறது....!! "

" உதாரணம் மேட்ச் ஆகலியே.... "

" ஆகலியா..? "

" ம்ம்ம்... நீ வேணா இந்த கொரங்கு., கொரங்காட்டினு சொல்லிக்கோயேன்... "

என்னாது கொரங்கா..?! அடிங் கொய்யாலே...!

போன வாரம்....

பாத்ரூம்ல இருந்து என் சின்னப்பையன் கோகுல் கதவை தட்டினான்..

"என்ன கோகுல்..?"

கதவை லைட்டா திறந்து,
"அப்பா இது உங்க பனியன்.. மாத்தி எடுத்துட்டு வந்துட்டேன்.."

"பாத்து எடுத்துட்டு வரமாட்டியா..?"

"அவசரத்துல.."

"எல்லாம் அவசரம்.. அதான் 85cm பெருசா எழுதி இருக்குல்ல.. எப்பவும் அலேர்ட்டா இருக்கணும் கோகுல்.."

2 நிமிஷம் அட்வைஸ் பண்ணிட்டு கீழே போயி அவன் பனியன் எடுத்துட்டு வந்து குடுத்தேன்....

அடுத்து நான் குளிக்க போனேனா.. குளிச்சிட்டு பாத்தா.... நான் எடுத்துட்டு வந்திருந்தது கோகுல் பனியன்..

ஆஹா... டைனோசர்க்கே லெக் ஸ்லிப் ஆகிடுச்சே...!!

கதவைத் தட்டி..

"நிர்மலா.. பனியன் மாறிடுச்சு... போயி என் பனியன் எடுத்துட்டு வா.. "

"வெயிட் பண்ணுங்க.."

2 நிமிஷத்துல.. கதவு தட்ற சத்தம்...

லைட்டா திறந்தா...

கையில பனியனோட நின்னுட்டு இருந்தது கோகுல்..!!

"நீ இன்னும் ஸ்கூல் போகல?"

"இன்னைக்கு சண்டே"

அதுக்கு ஏன் இப்படி பல்லக் கடிக்கறான்?

இன்னிக்கு என் ப்ரெண்ட் ஹரிக்கு ஆனிவர்சரி.... காலைல கூப்புட்டு விஷ் பண்ணிட்டேன்....

ஹரி ரொம்ப ஹேப்பி மச்சி....

" நீ ஒருத்தன் தான் மச்சி வருஷம் தவறாம கரெக்டா விஷ் பண்ற..! "

" பின்ன உன் கல்யாணம் தான் ஹிஸ்டரில நின்னுடுச்சில்ல..?! "

" ஹிஸ்டரியா.?! அது என்ன ஹிஸ்டரி மச்சி...?! "

" ஹி., ஹி., ஹி.. இதுவரைக்கும் உன் கல்யாணத்துல மட்டும் தான் நான் ரெண்டாவது பந்தியில உக்காந்து சாப்பிட்டிருக்கேன்.... "

துப்பிட்டு போயிட்டான்.... பேடு பெல்லோ..!!!

ரொம்ப நாளா ஆவலா எதிர்பாத்துட்டு இருந்த " Barbeque Nation " சேலத்துக்கு வந்துடுச்சு...

நெட்ல போன் நம்பர் பாத்து கூப்பிட்டேன்...

" எப்ப சார் ஆரம்பிச்சீங்க..?! "

" ஒரு மாசம் ஆச்சு.. "

( ஒரு மாசமா..?! எப்டி தெரியாம போச்சு..?! )

" எங்க சார் இருக்கு...? "

" சாரதா காலேஜ் ரோட்ல.. "

( ஓ... அது பொண்ணுங்க படிக்கிற காலேஜ்.. பொதுவா நான் அந்த பக்கம் போனா... கண்ணை மூடிட்டு தான் போவேன்.. அதான் கவனிக்கல போலருக்கு.. ஹி., ஹி., ஹி.. )

" ரேட் எல்லாம் எப்டி...?! "

" அன்லிமிடேட் சார்.. டேக்ஸ் சேர்த்து ஒரு ஆளுக்கு 650 வரும்.. "

" 650-ஆ..?!! கட்டுப்படியாகாதே...?! "

" இல்ல சார்.. நிறைய வெரைட்டீஸ் வெப்போம்... "

" கட்டுப்படியாகாதுனு சொன்னது எனக்கில்ல சார்... உங்களுக்கு... ஹி., ஹி., ஹி... "

# நம்ம ரேஞ்சே வேற...!!!