காலைல என் ப்ரெண்ட் குமார் வீட்டுக்கு வந்திருந்தான்..
ஹால்ல உக்காந்து அமெரிக்க பொருளாதாரத்தை பத்தி பேசிட்டு இருந்தோம்..
அப்ப என் சின்ன பையன் கோகுல் ஓடி வந்தான்..
" கோகுல் எங்கே போறே..? "
" அம்மா.. பாட்டி வீட்டுக்கு போக சொன்னாங்கப்பா.. அதான் கெளம்பிட்டேன்.. "
ஒரு ஐடியா வந்தது...
" கோகுல் இங்கே வா.. "
" என்னப்பா..? "
உடனே குமார்கிட்ட திரும்பி...
" இப்ப ஒரு டெமோ காட்றேன் பாருனு " சொல்லிட்டு கோகுல்கிட்ட..
" கோகுல்... இப்ப அம்மா உன்னை பாட்டி வீட்டுக்கு போனு சொல்றாங்க.. நான் போகக்கூடாதுனு சொல்றேன்.. நீ யார் பேச்சை கேப்பே..? "
" அம்மா பேச்சை தான்..!! "
குமார் நமுட்டு சிரிப்பு சிரிச்சான்... நான் விடலியே.. மறுபடியும்...
" சரி.. அம்மா உன்னை பாட்டி வீட்டுக்கு போகக்கூடாதுனு சொல்றாங்க... நான் போனு சொல்றேன்.. இப்ப நீ யார் பேச்சை கேப்பே..? "
" அம்மா பேச்சை தான்..!! "
சொல்லிட்டு ஓடிட்டான்...
நான் குமாரை பாத்து...
" மச்சி.. இதுல இருந்து உனக்கு என்னா தெரியுது..? "
" ம்ம்ம்.. நீ ஒரு டம்மி பீஸ்னு தெரியுது..!! "
" அடேய்.. தாய்குலம் சொல்ற பேச்சை கேட்டு நடந்துக்கணும்னு பசங்களுக்கு சொல்லி சொல்லி வளர்த்திருக்கேனு தெரியல..? "
" தெரியல.. "
" தெரியலியா..? சரி சரி விடு.. வா... நாம அமெரிக்க பொருளாதாரத்தை பத்தியே பேசுவோம்..!!! "
No comments:
Post a Comment