Tuesday, September 26, 2017

இன்னிக்கு என் பையனோட ஸ்கூல்ல மீட்டிங்னு வர சொல்லி இருக்காங்க...
போன வாரமே இந்த மீட்டிங் வெச்சாங்க.. ஆனா பாதி பேர் கூட வரலியாம்... (ஹி., ஹி,. ஹி.. நான் கூட போகல)
So.. இந்த மீட்டிங் கம்பல்சரினு சொல்லிட்டாங்க...
இப்ப மீட்டிங் நடந்துட்டு இருக்கு...
ஆனா பாத்தீங்கன்னா... மீட்டிங்ல பாதி பேரன்ட்ஸ் தூங்கிட்டு இருக்காங்க..
அடப்பாவிகளா... இவ்ளோ கஷ்டப்பட்டு மீட்டிங் வெச்சி... மிரட்டி அட்டென்ட் பண்ண வெச்சா இங்க வந்து இப்படியா தூங்குவீங்க..?!
இதுக்கு பேசாம என்னைய மாதிரி மொபைல்ல சினிமாவாச்சும் பாக்கலாம்ல....
# வாட்சிங் " கூட்டத்தில் ஒருத்தன்..!! "
ஹி., ஹி., ஹி...!!!

Wednesday, September 20, 2017

என் பையனுக்கு ஜீன்ஸ் பேன்ட் எடுக்கலாம்னு கூட்டிட்டு போயிருந்தேன்...
நான் 600 ரூபாக்கு ஒரு ஜீன்ஸ் காட்டினா.. அவன் 1000 ரூபாய் ஜீன்ஸ் வேணும்கறான்...
பாக்க ரெண்டுமே ஒரே மாதிரி கன்றாவியா தான் இருந்துச்சு...
டக்னு என் 7வது அறிவு வேலை செஞ்சது...
" சரி.. நீ ரெண்டையும் போட்டுப் பாரு... அப்புறம் டீசைட் பண்ணலாம்... "
மொதல்ல 1000 ரூபா ஜீன்ஸை போட்டு வந்தான்.. நல்லா இருந்தது... ஆனா அப்டி சொல்லக் கூடாதே...
" வ்வே... இது பிட்டிங்கே சரியில்ல... "
" இல்லப்பா கரெக்டா இருக்கு.. "
" சாயம் போன மாதிரி இருக்கு... "
என்னைய கேவலமா ஒரு லுக் விட்டான்...
" சரி சரி.. இந்தா இதையும் போட்டு பாரு.. அப்புறம் டிசைட் பண்ணிக்கலாம்... "
600 ரூபா ஜீன்ஸை எடுத்து குடுத்து விட்டேன்... போட்டுட்டு வந்தான்... இதுவும் நல்லா இருந்தது...
" ம்ம்.. இப்ப சொல்லு... எது உனக்கு வேணும்..?! "
" பர்ஸ்ட் போட்டு பாத்ததே புடிச்சிருக்கு.. "
இவன் 1000 ரூபா மொய் வெக்காம விட மாட்டான் போலயே...!!
" சூர்யா.. அத விட இது சூப்பரா இருக்குடா.. கலர் நல்லா பிரைட்டா இருக்கு... பிட்டிங் கரெக்டா இருக்கு... " இப்டி பிரைன் வாஷ் பண்ணி... பண்ணி... ஒரு வழியா ஒத்துக்கிட்டான்...
ஹப்பாடா... 400 ரூபா மிச்சம்...!!
ஆனா பில் பண்ண வந்தப்ப தான் நோட் பண்ணினேன்... இந்த ஜீன்ஸ் ரேட் 1250 ரூபா...
ஆஹா... பதட்டத்துல 600 ரூபா ஜீன்ஸ்க்கு பதிலா..... பக்கத்துல இருந்த 1250 ரூபா ஜீன்ஸை எடுத்து போட்டு பாக்க சொல்லி குடுத்துட்டோம் போலயே...!!!
அவ்வ்வ்வ்வ்.......

Tuesday, September 19, 2017


B.Com 2nd Year..
அன்னிக்கு ஆஸ்திரேலியா Vs இந்தியா மேட்ச்... நான் கமெண்டரி கேக்க டிரான்சிஸ்டர் எடுத்துட்டு போயிட்டேன்..
அப்ப எங்களுக்கு புதுசா ஒரு சார் வந்திருந்தாரு.. பேரு லோகநாதன்...
அன்னிக்கு அவர் நடத்தின எதுவும் எனக்கு புரியல...
( பொதுவாவே எனக்கு யார் பாடம் நடத்தினாலும் புரியாது.. அது வேற விஷயம்... ஹி., ஹி., ஹி.. )
சரி கொஞ்ச நேரம் கமெண்டரியாச்சும் கேப்போம்னு... குனிஞ்சி நிமிந்து கேட்டுட்டு இருந்தேன்..
கிளாஸே மந்திரிச்சி விட்ட மாதிரி இருக்கறப்ப ஒருத்தன் மட்டும் யோகா பண்ணிட்டு இருந்தா சந்தேகம் வராதா..? வந்துச்சே...
என் பக்கத்துல வந்தவரு டிரான்சிஸ்டரை பாத்துட்டு... புடிங்கிட்டு... இரு உன்னை பத்தி கம்ப்ளயின்ட் பண்றேனு கெளம்பினாரு...
உடனே நானு....
" சார்.. சார்... வேணா சார்... HOD கிட்ட கம்ப்ளயின்ட் பண்ணிடாதீங்க சார்னு... " கெஞ்சினேன்...
லெப்ட்ல பிரின்சிபால் ரூம்.. ரைட்ல HOD ரூம்... லோகு டக்னு ரைட்ல திரும்பி HOD-கிட்ட போயிட்டாரு...
ஆஹா.... HOD ரொம்ப வில்லங்கமானவாராச்சே..?!!
கொஞ்ச நேரத்துல HOD கூப்பிடறார்னு ஆள் வந்துச்சு...
பம்மிட்டே போனேன்....
அவர் கையில என் டிரான்சிஸ்டர்...
" சார்ர்ர்ர்ர்....!! "
தலைய தூக்கி பாத்து கேட்டார் பாருங்க ஒரு கேள்வி...
.
.
.
.
" ஆமா... இதுல எந்த ஸ்டேஷன்லடா கமெண்டரி வருது.? "
ஹி., ஹி., ஹி...!! நான் சொல்லல... எங்க HOD ரொம்ப வில்லங்கமானவர்னு...

Sunday, September 17, 2017


இந்த போட்டோவ பாத்துட்டு ஒரு பொண்ணு கேட்டுச்சு...
" நிஜமாவே உங்களுக்கு கராத்தே தெரியுமா..?! "
" என்ன இப்டி கேட்டுட்டே... வீட்ல வந்து பாரு... கலர் கலரா பெல்ட் வாங்கி வெச்சி இருக்கேன்... "
" கலர் கலரா இருந்தா அதுக்கு பேரு ரிப்பன் பாஸ்... "
என்னாது... ரிப்பனாஆஆ...?!
சாம்பிள்க்கு கராத்தேல ரெண்டு அடி குடுக்கட்டுமா...?!!
ஊ... ஹூ.. ஹூ.. ஊஊ...!

Saturday, September 16, 2017


சேலத்துல ஒரு லேடியோட ஸ்மார்ட் ரேஷன் கார்ட்ல அவங்க போட்டோக்கு பதிலா காஜல் அகர்வால் போட்டோ போட்டுட்டாங்களாம்...
அட எனக்கு கூட இப்டிதான் ஆச்சு...
என் ஸ்மார்ட் கார்ட்ல என் போட்டோக்கு பதிலா அரவிந்த்சாமி போட்டோவ போட்டுட்டாங்க...
விடுவோமா... ஆபீஸ்ல போயி கம்ப்ளயிண்ட் பண்ணினோம்ல...
அந்த ஆபீசரு... என் மொகத்தை பாத்தான்... கார்ட்ல இருக்கற போட்டோவ பாத்தான்... இப்டியே மாத்தி மாத்தி பாத்துட்டு...
" என்ன சார் வெளயாடறீங்களா..? இது நீங்களே தான்... இது நீங்க சேவிங் பண்ணாதப்ப எடுத்த போட்டோனு சொல்லி அனுப்பிட்டான்... "
சரி... ரெண்டு பேரும் ஒரே சாயல்ல தானே இருக்கோம்னு அமைதியா வெச்சிகிட்டேன்...
ஒருவேளை... அரவிந்த்சாமி ரேஷன் கார்ட்ல என் போட்டோ போட்டிருக்குமோ..?!!
ஹி., ஹி., ஹி...!!!

Friday, September 15, 2017

ஹோட்டல் அஸ்வா பார்க்... மேரேஜ் ரிசப்ஷன்...
டின்னர்ல எல்லாமே சூப்பர்... அதுல பர்டிகுலரா ரசமலாய் சூப்பரோ சூப்பர்...!!
என் தம்பி பொண்ணு ஹரினிய கூப்பிட்டு இன்னொரு ரசமலாய் எடுத்துட்டு வரச் சொன்னேன்...
எடுத்துட்டு வந்து குடுத்தா... சாப்பிட்டதும்..
" இன்னொன்னு எடுத்துட்டு வா... போ.. "
" போங்கப்பா... நான் மாட்டேன்... "
" ஏய்... என்ன ஒண்ணுக்கே சலிச்சிக்கிற.. கோகுல் 3 வாங்கிட்டு வந்து குடுத்தான்., வந்தனா 2 வாங்கிட்டு வந்து குடுத்தா... போ... போ.. "
" அப்பா... நீங்க 6 ரசமலாயா..?! "
" ஹேய்.. கணக்கு தப்பா சொல்லாதே..."
" 3+2+1 = 6 தானே...?! "
" ஹி., ஹி., மொதல்லயே நான் 2 சாப்பிட்டேனே அது...?! "
" ஆ...!!! "
என் வயித்துலயே குத்திட்டு போகுது...!!!
வேற யாரை புடிக்கலாம்..?!!
" ஹேய் அருண்... இங்க கொஞ்சம் வாயேன்....!! "
ஹி., ஹி., ஹி....!!!

Tuesday, September 12, 2017


" என்னடா போட்டோ இது..?! "
" இதான் கராத்தேஃபூ..!! "
" அப்டின்னா...?! "
" கராத்தேவையும், குங்ஃபூவையும் மிக்ஸ் பண்ணி நானே கண்டு புடிச்சேன்..... "
" ம்க்க்கும்.. இங்க இத்தனை பேச்சு பேசு.. கமெண்ட்ல பொண்ணுங்க கும்முனா மட்டும் பதில் சொல்லிடாதே.. "
" அது மச்சி... வெள்ளிக்கிழமைல பொண்ணுங்க கூட சண்டை போடக் கூடாதுனு எங்க கராத்தே மாஸ்டர் சத்தியம் வாங்கியிருக்காரு... "
" அப்ப சனிக்கிழமை அடிக்கலாம்ல... "
" நோ... அன்னிக்கு தான் எங்க குங்ஃபூ மாஸ்டர் சத்தியம் வாங்கியிருக்காரே... "
" ம்ம்ம் இன்னிக்கு சன்டே... அப்ப இன்னிக்கு அடிப்பே...?! "
" ஹி., ஹி., இன்னிக்கு எங்க யோகா மாஸ்டரு.... "
துப்பிட்டு போயிட்டான்...!!!

Sunday, September 10, 2017

விநாயகர் சதுர்த்தி அன்னிக்கு என் ப்ரெண்ட் வித்யா வீட்டுக்கு போயிருந்தேன்...
" வெங்கி கொழுகட்டை சாப்பிடறியா..?! "
( டக்னு வேண்டாம்னு சொல்லலாம்னு நெனச்சேன்.. அப்புறம் விநாயகர் கோச்சிட்டார்னா...? )
" ம்ம்... கொண்டு வா.. "
உள்ளே போயி வித்யா ஓரு கிண்ணத்துல எடுத்துட்டு வந்தாப்ல..
" ஏய்... என்னா இது..?! "
" கொழுகட்டை பொங்கல்... "
" அப்டினா..?! "
" ஹி., ஹி., தண்ணி கொஞ்சூண்டு அதிகமா போச்சா.. கொழ கொழனு வந்திருச்சு.. அதான் கொழுகட்டை பொங்கல்.. "
" நல்ல வேளை தாயி.. இன்னும் கொஞ்சம் தண்ணி ஊத்தாம போனே.. அப்புறம் நான் கொழுக்கட்டை கஞ்சி தான் குடிச்சிருக்கணும்.. "
" அதுவும் உள்ள இருக்கே... ஒரு டம்ளர் எடுத்துட்டு வரவா..?! "
" என்னாது...?!!! மீ எஸ்கேப்...!! "

Tuesday, September 5, 2017

நானும் என் மச்சானும் சேலம்ல இருந்து ரிடர்ன்.. மச்சான் கேட்டாரு...
" இப்டியே நியூ பஸ்டேண்ட் வழியா போயிடலாமா..?! "
" நோ.. நோ... அது சுத்து.. பால் மார்கெட் வழியா போங்க.. "
" அதுல... டிராபிக் ஜாஸ்தி இருக்குமே... "
" இந்த டைம்க்கு அவ்வளவா டிராபிக் இருக்காது... என்னைய நம்பி போங்க மச்சான்.. "
பால் மார்கெட் வழில திரும்பி போகும் போது அங்க ஒருத்தர் என்னைய பாத்து கை ஆட்டினாரு...
யார்ரா அதுனு உத்து பாத்தேன்... தெரியல... சரினு நானும் பதிலுக்கு கை ஆட்டிட்டேன்...
" யார் மச்சான் அது..?! தெரிஞ்சவரா..? வண்டிய நிறுத்தவா..?! "
" நோ.. நோ.. யாரோ என் பேஸ்புக் ஃபேனா இருப்பாங்க..!! இதெல்லாம் அடிக்கடி நடக்கறது தான்... "
அப்டியானு ஆச்சரியமா கேட்டுட்டு அவரு காரை ஓட்டிட்டு இருந்தாரு...
நான் பேஸ்புக் பாத்துட்டு இருந்தேன்...
ரோடு ப்ரீயா இருந்தது... அதான் சொன்னோம்ல....
எப்பவும் வெங்கிய நம்பினோர் கைவிடப்படார்...
ஒரு 7 கிமீ போயிருப்போம்... காரு டக்னு நின்னுடுச்சு..
வண்டி ஏன் நின்னுடுச்சுனு நான் மச்சானை பாத்தா.... அவரு என்னைய கொலவெறில பாத்துட்டு இருந்தாரு...
ஏன் இப்டி மொறைக்கராருனு திரும்பி ரோட்டை பாத்தா....
ரோடு ப்ளாக்டு..!!
ஆஹா... இதுக்கு தான் அவன் கைய ஆட்டினானா..?! அவ்வ்வ்வ்..!!!

Sunday, September 3, 2017

காலங்காத்தால 8 மணிக்கு சுரேஷ் போன் பண்ணியிருந்தான்...
"வெங்கி... நம்ம கூட படிச்சானே சரவணன்.. அவன் நம்பர் இருக்கா..?"
"இருக்கே... எதுக்கு..?"
"இப்ப சேலத்துல ஒரு கல்யாணத்துல பாத்தேன்.. என்னை பாத்தும் கண்டுக்காம போயிட்டான்... அடையாளம் தெரியல போல இருக்கு..!!"
"கண்டுக்காம போயிட்டானா...? இரு லெப்ட் ரைட் வாங்கிட்டு வரேன்.."
"வேணாம் விடு... நான் கெளம்பிட்டேன்.. வொர்க் இருக்கு..."
"இல்ல... நீ மண்டபத்து வாசல்லயே நில்லு அவனை வந்து உன்னை மீட் பண்ண சொல்றேன்"னு சொல்லிட்டு சரவணனுக்கு போனை போட்டேன்...
"ஹலோ வெங்கி.. சொல்லுடா.."
"கல்யாணத்துல தானே இருக்கே..?"
"ஆமா.. எப்டி தெரியும்..?"
"சுரேசை பாத்தும் பாக்காம போயிட்டியாமாம்..!!"
"ஐய்யயோ... கவனிக்கலியே.."
"சரி இப்ப அவன் மண்டபத்து வாசல்ல தான் நிக்கறான், போயி பாரு..!! "
"பந்தில உக்காந்து இருக்கேன்.. போராடி இடம் புடிச்சேன் சாப்பிட்டு போறேனே.."
"டேய் ப்ரெண்ஷிப் முன்னால சாப்பாடாடா முக்கியம்.. மொதல்ல எந்திரிச்சு போயி அவனை பார்ரா வெண்ணை.."
சரின்னு போனை வெச்சிட்டான்..
8.20.... சுரேஷ்கிட்ட இருந்து போன்..
"என்ன வெங்கி.. அவன் வர்றானா இல்லியா?"
"இன்னும் அந்த நாய் வரலியா? இரு கேக்கறேன்.."
மறுபடியும் சரவணனுக்கு போன்...
"ஏன்டா எரும அவ்ளோ சொல்லியும் திங்க உக்காந்துட்டியா..?"
"டேய் கடுப்ப கெளப்பாதே.. 20 நிமிஷமா மண்டப வாசல்ல தான் நிக்கறேன்.. சுரேஷை காணோம்.."
"சுரேஷை காணோமா..?! ஆமா.. நீ எந்த மண்டபத்துல இருக்கே..?"
"ம்ம்ம்.. KNS மண்டபம்.. பெங்களூர்"
என்னாது... பெங்களூரா..?!! அவ்வ்வ்வ்வ்..

Saturday, September 2, 2017

இப்ப திருப்பூர்ல ஒரு கல்யாணம்... கார்ல போயிட்டு இருக்கேன்...
மாப்பிள்ளையும் டாக்டர், பொண்ணும் டாக்டர்...
ஆக்சுவலி இந்த கல்யாணம் பிக்ஸ் ஆக காரணமே நானும் என் சகலையும் தான்...
பொண்ணு வீட்டு சைடுல என் சகலை.. மாப்பிள்ளை சைடுல நானு... 6 மாசம் விடாம ரெண்டு பக்கமும் பேசி ஃபிக்ஸ் பண்ணினோம்...
கனெக்டிங் பீப்பிள்...!! ஹி., ஹி., ஹி...!!
ஒருநாள் என் சகலை என்கிட்ட கேட்டாரு...
" இவ்ளோ கஷ்டப்பட்டு இருக்கோமே.. கல்யாணத்துல நம்மள கவனிப்பாங்களா..?! "
" கவலைப்படாதீங்க சகலை நமக்கு கல்யாணத்துல கட்அவுட் வெப்பாங்க... "
இப்ப எனக்கு முன்னாடி என் சகலை மண்டபம் போயிட்டு போன்ல கூப்பிட்டாரு....
" சகலை.. நமக்கு கட்அவுட் எதுவும் வெக்கல.. "
" என்னாது கட்அவுட் வெக்கலையா..?! "
" ஆமா சகலை... பா.சிதம்பரம் வர்றாராம்.. அவருக்கு வெச்சியிருக்காங்க.. "
( பா.சிதம்பரமா..?! அவருக்கு எதுக்கு..? ஒருவேள நம்பள விட... சே.. அவர் மினிஸ்டர்ல... )
எனக்கு வந்துச்சே கோவம்... காரை அப்டியே திருப்பலாம்னு நெனச்சேன்...
" சகலை... கெளம்பி வாங்க... இன்னும் மண்டபத்துல என்ன பண்றீங்க..?! "
" இங்க பஃப்பேல ஏகப்பட்ட வெரைட்டி சகலை.. "
அரை மைக்ரோ செகன்ட் யோசிச்சேன்..
" சரி விடுங்க பெரிய மனசு பண்ணி கல்யாண வூட்டுக்காரங்கள மன்னிச்சிட்டலாம்.... "
ஐய்ய்ம் கம்மிங்ங்... ஹி., ஹி., ஹி...!!!