காலைல 11 மணி... டீ பிரேக்..

ஹப்பாடா கொஞ்சம் நேரம் ரிலாக்ஸா
இருக்கலாம்..

அப்ப இவ்ளோ நேரம் என்ன பண்ணிட்டு
இருந்தேன்னு கேக்கக் கூடாது..

11 மணி எப்ப ஆகும்னு வெய்ட் பண்ணிட்டு
இருந்தேன்.. ஹி., ஹி., ஹி...

சரி சரி.. மேட்டர்க்கு வருவோம்..

ரிலாக்ஸா ஃபேஸ்புக்கை ஓபன் பண்ணினேனா..

சுத்தி சுத்தி.. " Women's Day " வாழ்த்து தான்..

ஒவ்வொண்ணா படிக்க படிக்க...
அப்டியே என் கண்ணு கலங்கி.,
கை கால் எல்லாம் நடுங்கி..
சே புல்லரிச்சி போச்சு..

பெண்கள் நாட்டின் கண்கள்..!!
சக்தி இல்லையேல் சிவமில்லை..!!

அடடா.. இந்த பொண்ணுங்க அருமை பெருமை
தெரியாம இத்தன நாளா கலாய்ச்சிட்டு வந்து
இருக்கோமே..

நீ வெங்கி இல்லடா.. மங்கி..!!
பளார்.., பளார்.., பளார்..!!
( என்னை நானே அடிச்சிட்டேன்..!! )

இன்னிக்கு பொண்ணுகளுக்கு எல்லாம்
வாழ்த்து சொல்லணும்..

சரி மொதல்ல நம்ம வீட்ல இருந்து
ஆரம்பிப்போம்னு முடிவு பண்ணினேன்..

லஞ்ச்க்கு வீட்டு வந்தேன்..

என் Wife ஹால்ல உக்காந்து டிவி பாத்துட்டு
இருந்தாங்க..

மெதுவா அவ பக்கத்துல போயி..
அவ கையை பிடிச்சி..

" Happy Women's Day நிர்மலா..!! "

என்னை ஒரு மாதிரி லூச பாக்கற
மாதிரி பாத்தா..

பாத்துட்டு...

டக்னு டிவி ரிமோட்டை எடுத்து ஒளிச்சி
வெச்சிகிட்டா..

# ஏம்மா... ·.இப்டி பண்றீங்களேம்மா...!!!